Willkommen beim Militärsanitätsverein Zulgtal 

Unser Motto lautet: Erste Hilfe mit Herz und Spass. An monatlichen Fachübungen halten wir uns fit für Sanitätsdienste und Einsätze als First Responder. Das erlernte Wissen ist auch privat nützlich, zu Hause, bei der Arbeit, unterwegs in der Natur oder im Strassenverkehr. Viel Spass beim Durchstöbern unserer Homepage, wir freuen uns über jede Rückmeldung. 

Frohi Feschttäg u es wunderbars nöis Jahr!

Es glüsslet nämlich scho ume Egge, ds nöie Jahr. Nid belade mit Schneeflocke u chauter Bise, ender so früehligshaft lieblech. So, dass me uf der Loube cha ds Kafi näh u id Sunne blinzle u sech überlege, ob me ächt die verpuppte Schwalbeschwänz sött a Schatte zügle. Ja nid, dass sie scho im Jänner schlüfe u nähr nüt z habere finge. 

Es isch geng wieder es Wunder, we us däm vertröchnete irgendöppis ufzmau eso e Pfyfouter schlüüft, sech entfautet u chly dürehudlet für die verchläbte Flügu ds löse u nähr ids Liecht ud Wärmi u i die betörende Bluemedüft flügt. Es verzouberet mit jedesmau.

Mir wünsche öich ganz viu zouberhafti, friedvolli u farbegi Glücksmomänte im nöie Jahr, gueti Gsundhiit u ganz vieu liebi u inspirierendi Lüt um öich ume. 

Das wünsche der MSV Zulgtal, der Vorschtand und die ganzi Tschuppelete vom Verein.